Во Скопје ќе се одржи ММА (мешани боречки вештини) спектакл, насловен „АРММАДА 14“, што е најголемиот ММА настан во последната деценија во Македонија. Настанот е закажан за 14 септември 2025 година, во спортскиот центар „Јане Сандански“ во Скопје. Публиката ќе има можност да проследи борби меѓу елитни домашни и европски натпреварувачи.

Во центарот на вниманието ќе бидат македонските европски прваци, Даниела Алексовска и Марко Трајановски, кои за првпат ќе настапат пред домашна публика. Алексовска ќе се соочи со Флоцеа Алида од Молдавија во категорија до 52 килограми, додека Трајановски ќе се бори против Петар Кликовац од Црна Гора во категорија до 84 килограми.

Покрај главните борби, на програмата се и следниве натпревари:

• Андреј Стојановски (Македонија) против Василе Тичан (Молдавија) во категорија до 61кг.
• Костадин Георгиевски (Македонија) против Раде Новаковиќ (Србија) во категорија до 93кг.
• Никола Градинац (Србија) против Ѓорѓи Квелидзе (Грузија) во категорија до 84кг.
• Огњен Миќовиќ (Србија) против Андреас Христу (Кипар) во категорија до 77кг.
• Марко Смиљиќ (Србија) против Иван Сакиќ (Босна и Херцеговина) во категорија до 84кг.
• Никола Димовски (Црна Гора) против Вилчу Лусиан (Германија) во категорија до 73кг.

Билетите за настанот се веќе во продажба преку „ticketx.com.mk“, а организаторите најавуваат огромен интерес за, како што велат, највозбудливата спортска вечер годинава