Арсен Венгер соопшти ќе си замине од Арсенал на крајот од сезоната, ставајќи крај на 22-годишниот престој во лондонскиот фудбалски клуб. Францускиот тренер си заминува една година пред истекот од неговиот актуелен договор.

„Чувствувам дека е вистинско време за мене да се повлечам на крајот од сезоната“, кажа Венгер.

Арсенал се наоѓа на шестото место во англиската Премиер лига и втора сезона по ред нема да заврши едно од првите четири позиции на табелата, па единствена надеж за пласман во Лигата на шампиони следната сезона е победа во Лига Европа.

68-годишниот Венгер беше назначен за тренер на Арсенал во октомври 1996 година и оттогаш со лондонскиот клуб освои три титули во Премиер лигата и седум во ФА купот.