Вкупно 16,8 милиони Американци останале без работа во последните три недели, што само ја нагласува застрашувачката брзина со која пандемијата на коронавирусот ги фрли на колена светските економии.

Дополнителни 6,6 милиони Американци се пријавиле за бенефиции за невработени во последните седум дена, објави Министерството за труд. Ова е најбрзо зголемување на бројот на невработени од 1948 година, кога почнала да се води евиденција.

За да ја помогне економијата, Федерални резерви ќе ослободи уште 2,3 трилиони (2.300 милијарди) долари за заеми.

Економската криза во САД сѐ повеќе се продлабочува додека бројката заразени со коронавирусот порасна на 430.000. Моментално, околу 95% Американци живеат во некоја форма на карантин, што доведе до затворање на голем број бизниси. Невработеноста во САД во април би можела да достигне до 15%.