Американски милионер и ловец на голем дивеч починал откако бил згмечен од група слонови за време на експедиција во Габон.

Ерни Досио, 75-годишен сопственик на лозје, ловел жолтогрба антилопа во централноафриканската земја Габон кога се случил инцидентот. Додека бил во дождовната шума Лопе-Оканда, тој и неговиот водич неочекувано наишле на пет слоници, придружени од младенче.

По потекло од Лоди, Калифорнија, Досио со години создал обемна колекција ловни трофеи, вклучувајќи слонови и лавови.

Операторот на сафари турите „Колект Африка“ ја потврдил смртта на својот клиент, додавајќи дека и неговиот професионален водич претрпел сериозни повреди.

Секоја година, клиентите на индустријата за лов на трофеи убиваат десетици илјади диви животни низ целиот свет. Се проценува дека вредноста на оваа индустрија во Јужна Африка изнесува над 100 милиони долари.