Големите американски авиокомпании ги откажаа сите летови поради проблеми со комуникацијата, додека други превозници, медиумски компании, банки и телекомуникациски фирми низ цел свет, исто така, објавија дека прекините на системот го нарушуваат нивното работење.

„Американ ерлајнс’, „Делта ерлајнс“, „Јунајред ерлајнс“ и „Олџајант аир“ ги приземјија летовите помалку од еден час откако „Мајкрософт“соопшти дека го решил прекинот на  „клауд“ услугите што влијаеше на неколку нискобуџетни авиопревозници.

Не е јасно дали повикот за спречување на полетувањето на летовите е поврзан со претходниот прекин на „клаудот“ на „Мајкрософт“.

Во Австралија проблеми и прекини претрпеа  медиумите, банките и телекомуникациските компании, за кои владата рече дека се чини дека се поврзани со проблем во глобалната компанија за сајбер безбедност „Краудстрајк“.