Се верува дека 20 луѓе загинале откако туристички авион со потекло од Втората светска војна се урна во планините во Швајцарија.

Авионот од типот „јункер ЈУ-52 ХБ-ХОТ“ може да прими 17 патници и три члена на екипажот и локалните медиуми објавија дека тој бил целосно пополнет за овој лет. Причината за падот засега не е позната.

Еден сведок изјави дека „авионот свртел за 180 степени и удрил во почвата како камен“. Освен што ја потврди несреќата, полицијата не објави други детали. Авионот се урнал на надморска височина од 2.540 метри.

Операторот „ЈУ-ер“ ја изнајмува својата флота на стари авиони за тури на панорамско разгледување.