Товарниот авион што синоќа се урна близу Кавала во северна Грција превезувал 11 тони оружје – вклучително и мини – во Бангладеш, соопштија официјални лица. Авионот летал од Србија за Јордан кога доцна се урна, при што загинаа сите осум патници.

Српскиот министер за одбрана Небојша Стефановиќ изјави дека авионoт „антонов АН-12“ превезувал речиси 11 тони оружје од српско производство во Бангладеш. Тој требаше да застане во Јордан, Саудиска Арабија и Индија пред да стигне до својата крајна дестинација Дака.

Авионот го управувала украинската карго авиокомпанија „Меридијан“, иако засега нема индикации за каква било поврзаност со војната во Украина.

Изутринава, заради претпазливост се користеа дронови за истражување на местото на несреќата. Грчката државна телевизија објави дека армијата, експертите за експлозиви и персоналот на грчката Комисија за атомска енергија нема да се приближат до локацијата додека не се процени дека е безбедно.