Новиот лидер на Сирија Ахмед ал-Шара постигна договор со шефовите на поранешните бунтовнички фракции за нивно расформирање, кои отсега ќе делуваат обединето под министерството за одбрана. Премиерот Мохамед ал-Башир минатата недела најави дека министерството ќе се преструктурира и ќе ги спои поранешните бунтовнички фракции и офицерите кои пребегнале од војската на соборениот претседател Башар ал-Асад.

За нов министер за одбрана е назначен Мурхаф Абу Касра, една од водечките личности на бунтовничкото движење.

Шара ќе се соочи со тешка задача да спречи судири помеѓу безбројните групи. Историските етнички и верски малцинства во Сирија вклучуваат муслимански Курди и шиити, сириски, грчки и ерменски православни христијани и заедницата Друзи.

Шара им кажа на западните функционери дека неговата исламистичка група Хајат Тахрир ал-Шам нема да му се одмаздува на бившиот режим и нема да ги репресира верските малцинства.