Лидерите на високоразвиените земји ветија дека ќе донираат една милијарда вакцини против ковид-19 за сиромашните земји, како „голем чекор во вакцинација во светот“, изјави британскиот премиер Борис Џонсон.

На крајот од тридневниот Г7 самит, Џонсон рече дека земјите „ги отфрлаат националистичките пристапи“ и дека вакцинирањето на светот ќе ги покаже придобивките од демократските вредности на Г7.

Џонсон најави дека сиромашните земји ќе ги добијат вакцините или директно од богатите земји или преку Ковакс механизмот на Светската здравствена организација (СЗО). Сто милиони вакцини ќе дојдат од Велика Британија.

Лидерите на Британија, САД, Канада, Јапонија, Франција, Германија и Италија се обврзаа дека до 2050 година ќе достигнат нула отсто штетни емисии на јаглерод.