Деветгодишното девојче кое исчезна на пат кон училиште во источна Германија минатата недела е пронајдено мртво во шумска област по голема потрага. Полицијата соопшти дека Валерија била убиена и дека целосно се фокусира на идентификување на сторителот.

Валерија е Украинка која се преселила во Германија со нејзината мајка во 2022 година. Тие се населиле во градот Дебелн, околу 40 километри североисточно од Кемниц. Таткото на девојчето наводно останал во Украина и бил во близок контакт со германските власти.

Последен пат била видена на 3 јуни додека одела кон училиште, но никогаш не стигнала. Нејзиното исчезнување стана главна вест во Германија и предмет на интензивна потрага.

„Телото е пронајдено вчера околу четири километри од нејзиниот дом, далеку од шумски патеки, длабоко во грмушките“, рече Менди Киршнер, шефицата на одделот за кривична истрага во Кемниц.

Обвинителите веруваат дека таа била убиена на ова место, но немало индиции дека била жртва на сексуално злосторство.