Француските власти уапсија девет лица и запленија повеќе од 1,4 милиони евра во врска со сомнителна измама со билети во уметничкиот музеј Лувр, соопшти канцеларијата на јавниот обвинител. Туристички водичи, двајца вработени во Лувр и едно лице осомничено за организирање на измамата се меѓу деветтемина уапсени, кои завчера беа изведени пред судија.

Истражителите изјавија дека се верува оти измамата трае повеќе од 10 години. Лувр ја проценува предизвиканата штета на над 10 милиони евра. Според канцеларијата на јавниот обвинител, се верува дека осомничените инвестирале дел од парите во недвижности во Франција и Дубаи.

Истраги за можна измама со билети се водеа и во дворецот Версај кој е музеј.