Двајцата американски астронаути заглавени во Меѓународната вселенска станица (ИСС) повеќе од девет месеци ќе се вратат на Земјата утревечер, објави НАСА.

Бери Буч Вилмор и Сунита Суни Вилијамс ќе бидат превезени дома со капсулата „Дрегон кру“ на „СпејсЕкс“ заедно со уште еден американски астронаут и со нивни руски колега. Капсулата пристигна на ИСС вчера наутро.

Вилмор и Вилијамс требаше да останат на ИСС само осум дена, но нивниот престој значително се одолжи откако експерименталното летало „Боинг Војаџер“ со кое пристигнаа претрпе проблеми со погонот, па не можеше да ги врати назад. НАСА објави дека тие треба да се спуштат во океанот утре околу 23 часот по средноевропско време.

Двајцата останаа на ИСС подолго од вообичаената смена на астронаутите, која трае околу шест месеци, но сепак не го соборија рекордот за најдолг престој во вселената. Тој и натаму е во сопственост на рускиот астронаут Валери Пољаков, кој помина 437 едноподруго дена на станицата „Мир“.