Едно лице загина, а еден полицаец е повреден во големиот шумски пожар во близина на популарното турско одморалиште Мармарис, додека властите ги засилуваат напорите да го стават огнот под контрола.

Причината за пожарот засега не е позната, а гувернерот на југозападната провинција Мугла, Орхан Тавл, кажа дека силен ветер го отежнува гаснењето.

„Нашите екипи се борат со огнот во зависност од насоката на ветерот. Помош пристигнува од соседните провинции и области“, изјави Тавл.

Во гаснењето учествуваат и десет хеликоптери. Властите кажаа дека загинатиот бил вработен во националната дирекција за шуми.