Турскиот претседател Реџеп Таип Ердоган има нова мета во својата кампања против пушењето: италијанската премиерка Џорџа Мелони.

На маргините на мировниот самит за Газа во Египет, Ердоган ѝ ветил на Мелони дека ќе најде начин да ја убеди да се откаже од цигарите.

„Изгледате одлично, но мора да престанете да пушите“, ѝ рекол Ердоган на Мелони, пренесоа италијанските медиуми.

Францускиот претседател Емануел Макрон, кој стоел до нив, се уфрлил во муабетот, велејќи дека „тоа е невозможно“.

„Знам, знам, но се плашам дека ако се откажам од пушењето, ќе станам помалку дружељубива. Не сакам да убијам некого“, рекла Мелони.

Во книга заснована врз серија интервјуа, Мелони призна дека повторно почнала да пуши откако апстинирала 13 години. Таа исто така кажа дека пушењето ѝ помогнало подобро да се поврзе со некои политичари, како тунискиот претседател Каис Саед.