Дваесет и седумгодишниот Французин Ден Елкајам, кој играше за македонскиот фудбалски клуб Рокдејл Илинден, е меѓу жртвите на вчерашниот антисемитски напад на популарната плажа Бонди во Сиднеј. Во нападот загинаа 15 луѓе на возраст од 10 до 87 години, а убиен е и еден од двајцата напаѓачи.
„Целиот тим е скршен. Тоа е трагична загуба и се обидуваме да се справиме со неа. Ден беше составен член на нашиот состав во 2025 и исклучително талентирана и популарна личност меѓу соиграчите“, соопшти потпретседателот на Рокдејл Илинден, Лу Тасевски.
Рокдејл Илинден е клуб основан од австралиските Македонци во 1969 во Рокдејл, предградието на Сиднеј и денес се натпреварува во Премиерлигата на Нов Јужен Велс. Елкајам играше за клубот во последните 12 месеци.
Tатко и син го извршија нападот во Сиднеј за време на прослава на еврејскиот празник Ханука. Тие се идентификувани како 50-годишниот Саџид Акрам, кој беше убиен на самото место и неговиот 25-годишен син Навид, кој е во болница во критична состојба. Министерот за внатрешни работи Тони Берк кажа дека Саџид дошол во Австралија во 1998 со студентска виза, без да наведе од која држава, додека Навид е роден во земјата.
