Хрватска ова лето ќе оди на парламентарни избори откако пратениците денеска го изгласаа распуштањето на Саборот.

Датумот на изборите ќе го закаже претседателот Зоран Милановиќ, но според уставот, тие треба да се одржат во рок од 30 до 60 дена од распуштањето на Саборот. Тоа значи дека тие можат да се одржат во периодот од 21 јуни до 12 јули.

Владејачкото мнозинство веќе го извести Милановиќ дека постојат четири можни термини за одржување на изборите, 21 и 28 јуни, односно 5 и 12 јули.

Претходно, и Србија ги закажа парламентарните избори на 21 јуни.