Израелскиот министер за одбрана Израел Кац објави дека израелската војска ги убила иранскиот шеф за безбедност Али Лариџани и заповедникот на милицијата Басиџ во воздушен напад ноќеска. Лариџани последен пат беше виден во јавност на марш во Техеран во петокот.

Израелските медиуми објавија дека Лариџани и неговиот син биле нападнати во стан што служел како скривалиште.

„Лариџани е елиминиран. Премиерот Нетанјаху ѝ наложи на војската да продолжи да ги лови иранските лидери“, кажа Кац.

Лариџани беше близок соработник и советник на убиениот врховен водач Али Хамнеи и поранешен преговарач за иранската нуклеарна програма. Од август 2025 беше на чело на влијателниот Врховен совет за национална безбедност.

Кац објави дека е убиен и Голомреза Солејмани, заповедникот на иранските сили Басиџ, кои се дел од Иранската револуционерна гарда.