Бившиот украински пратеник Илја Кива е убиен близу Москва од страна на украинската безбедносна служба (СБУ), потврди извор од украинското разузнавање.

„Криминалецот е ликвидиран со користење на мало оружје“, кажа изворот.

Руските истражители изјавија дека телото на Кива е пронајдено во селото Супонево, западно од Москва, додавајќи дека бил застрелан.

Во почетокот на оваа година, Кива во отсуство беше осуден на 14 години затвор за велепредавство и за повикување на окупација на Украина. Тој пребегнал во Русија еден месец пред почетокот на инвазијата.

„Да, можеме да потврдиме дека Кива веќе го нема. Истата судбина ќе ги снајде и другите предавници и марионети на режимот на Путин“, изјави портпаролот на украинското воено разузнавање Андриј Јусов.

Кива неуспешно се кандидираше за претседател на Украина во 2019 и беше редовен гостин во пропагандните емисии на руските државни телевизии.

Во друг инцидент, во експлозија на автомобил-бомба во окупираниот украински град Луганск загина прорускиот политичар Олег Попов.