Маж претрпел тешки повреди на главата откако бил удрен од воз во западна Германија додека стоел на перонот гледајќи во својот телефон, соопштија властите. Инцидентот се случил на железничката станица Лајхлинген во западната покраина Северна Рајна-Вестфалија.

Според полицијата, човекот бил занесен во мобилниот телефон и стоел премногу блиску до работ на перонот. Кога возот се приближувал кон станицата, машиновозачот дал предупредување и активирал итна сопирачка, но не можел да спречи судир. 27-годишникот бил сериозно повреден и однесен в болница со хеликоптер за брза помош.

Железничката линија помеѓу Леверкузен-Опладен и станицата Лајхлинген била привремено затворена.