Четворица членови на најбогатото семејство во Велика Британија добија затворски казни за експлоатација на персоналот донесен од Индија за да работи во нивната вила во Женева. Пракаш и Камал Хиндуџа, како и нивниот син Аџеј и неговата сопруга Намрата, беа прогласени за виновни за експлоатација и незаконско вработување од швајцарскиот суд и им беа изречени казни во опсег од четири до четири и пол години. Тие беа ослободени од посериозното обвинение за трговија со луѓе.

Адвокатите кои ги застапуваат обвинетите рекоа дека имаат намера да поднесат жалба против пресудата.

На тројца работници кои биле донесени од нивната родна Индија, семејството им платило само 8 евра за да работат 18-часовни денови – помалку од една десетина од износот што се бара според швајцарскиот закон – и им ги одзеле пасошите. Тие, исто така, тврдеа дека семејството – чие богатство се проценува на околу 38 милијарди евра – ретко им дозволувало да ја напуштат куќата, која се наоѓа во богатиот кварт на Женева, Келни. За време на судењето, обвинителите тврдеа дека семејството потрошило повеќе на нивното куче отколку на нивните слуги.

Одбраната тврдеше дека вработените добивале големи бенефиции, не биле држени во изолација и дека можат слободно да ја напуштат вилата. Вработените „биле благодарни на Хиндуџите што им понудиле подобар живот“, тврди адвокатот.
Постарите Хиндуџи, двајцата над 70 години, не присуствуваа на судската постапка, тврдејќи дека се со лошо здравје. Аџеј и Намрата присуствуваа на судот, но не беа таму за да ја слушнат пресудата. Обвинителството по пресудата побара итно мерка притвор за помладата двојка Хиндуџа, но тоа беше одбиено од судијата. Одбраната рече дека Камал Хиндула моментално е во болница во Монако – а другите тројца членови на семејството се покрај неговиот кревет.

Не е првпат Женева, центар за меѓународни организации, како и за богатите во светот, да биде во центарот на вниманието поради наводното малтретирање на вработените.