Три трупови, на двајца мажи и жена, се најдени во германското село Вајтефелд, на околу 60 километри источно од Бон, има сомнеж за кривично дело, изјави полицијата. Полицијата ги повика возачите да не качуваат автостопери во регионот бидејќи има потера по можни сторители. На местото на настанот се повикани голем број полицајци.

Портпаролот на полицијата рече дека индициите се оти зад смртта стои семеен конфликт. Тој одби да коментира дали една од машките жртви е малолетна. Местото на злосторството, зафрлен семеен дом и повикот во полиција помалку од четири часа по полноќ биле индиции за семеен конфликт, рече тој. Портпарол рече дека лицето што се јавило врескало. Пријавено е дека маж е избегал пешки додека пристигнала полицијата.

Специјалните тактички полициски единици со огнено оружје и заштитна опрема се распоредени за да ја блокираат областа, а се проверуваат сите автомобили што влегуваат и излегуваат од областа. Испратен е и хеликоптер. Полицијата соопшти дека нема непосредна закана за жителите.