Најмалку 168 луѓе загинаа и други 745 се повредени откако цунами го погоди брегот на островите Јава и Суматра во Индонезија. Немаше предупредување за високите бранови, кажа Сутопо Пурво Нугрохо, портпарол на индонезиската Национална агенција за справување со катастрофи.

Цунамитo изгледа дека било причинето од вулканска ерупција, соопшти државната агенција за метеорологија, климатологија и геологија.

Индонезија беше најтешко погодена земја од цунамите на Божик во 2004 година, кога загинаа стотици илјади луѓе, земјата сè уште нема соодветна опрема за рано откривање и предупредување дека доаѓа цунами.