Најмалку четворица луѓе се убиени, а 14 се ранети во масовно пукање на детска роденденска забава во Калифорнија. Инцидентот се случи во ресторан во градот Стоктон и полицијата кажа дека напаѓачот е во бегство.

„Веруваме дека пукањето било планирано, иако мотивот засега не е познат. Меѓу жртвите има и возрасни и деца“, соопшти полицијата, додавајќи дека состојбата на ранетите не е потврдена.

Канцеларијата на шерифот на округот Сан Хоакин кажа дека истрагата е во тек и информациите остануваат ограничени. Заменик-градоначалникот на Стоктон, Џејсон Ли, потврди дека пукањето се случило на семеен собир по повод детски роденден.