Најмалку двајца луѓе загинаа, а 35 се ранети во руски воздушен напад на Харкив, при што е погоден супермаркет, кој се запали. Претседателот Володимир Зеленски кажа дека над 200 луѓе имало во супермаркетот кога бил погоден.

„Голем број луѓе се исчезнати. Ова е чист тероризам“, изјави градоначалникот на Харкив, Игор Терехов.

Тој додаде дека во втор напад во централен Харкив биле ранети осум луѓе.

Нападот уследи по самитот на Г7 во Италија, каде што беше поддржан предлогот профитите од замрзнатите руски средства да се користат за финансирањето на украинските воени напори.