Триесет и четиригодишен маж уби повеќе лица во Цетиње, пред да биде убиен од полицијата. Црногорските медиуми објавија дека тој пукал во близина на местото каде што живеел и дека сè почнало како семејна пресметка.

Од полицијата кажаа дека убиецот пукал и на цивили и на полицајци. Според потврдени информации, тој убил најмалку 11 лица, по што бил убиен во престрелка со полицијата.

Очевидците кажаа дека напаѓачот се движел низ населбата Медовина и пукал во случајни минувачи, при што има и повеќе повредени, меѓу кои и еден полицаец.