Нобелова награда за литература оваа година нема да биде доделена поради сексуален скандал во организацијата која го избира добитникот.

Шведската академија се наоѓа во голема криза, откако голем број жени го обвинија Жан-Клод Арно, сопругот на една членка, за сексуално вознемирување.

Во меѓувреме, таа беше исклучена од Академијата, а претседателот и четири други члена поднесоа оставки.

Академијата кажа дека името на добитникот на наградата за 2018 година ќе биде објавено заедно со добитникот за наредната година.

Ова е најголемиот скандал што ја погоди оваа награда од нејзиното востановување во 1901 година. Со исклучок на шесте години за време на светските војни, Нобеловата награда за литература не беше доделена само уште во 1935 година.

„Членовите кои учествуваа на состанокот одлучија да се одложи доделувањето на наградата поради недостиг на довербата на јавноста во институцијата“, соопшти Академијата.

Францускиот фотограф Арно, кој водел културен проект во рамките на Академијата, беше обвинет за сексуален напад од 18 жени. Некои од нив се случиле во објектите на Академијата.