Сите летови на Бритиш ервејс од лондонските аеродроми Хитроу и Гетвик се откажани до 6 часот попладнево поради застој на компјутерскиот систем, соопшти компанијата.
На патниците им се препорачува да не одат кон аеродромите поради огромни гужви на терминалите. „Се соочуваме со голем пад на компјутерскиот систем што предизвикува тешки нарушувања на нашите летови насекаде“, изјави портпаролката на компанијата.
Нема официјална потврда дали станува збор за нов хакерски напад, иако некои британски медиуми не ја исклучуваат и таа можност.
