Јужнокорејскиот претседател Јун Сук Јеоул беше разрешен од парламентот откако тој се обиде да воведе воена состојба во земјата пред две недели. Разрешувањето на Јун помина со 204 гласа „за“ и 85 „против“.

Претседателските овластувања и обврски на Јун ќе бидат суспендирани до одлуката на Уставниот суд, кој што го има последниот збор околу разрешувањето.

Уставниот суд има рок од 180 дена да одлучи дали Јун ќе биде разрешен од претседателската функција или ќе му ги врати овластувањата.

Ако одлуката на парламентот биде потврдена, ќе бидат одржани претседателски избори во рок од 60 дена.