Полската полиција соопшти дека им нанела еден од најголемите удари на меѓународните шверцери на дрога. Повеќе од еден тон хероин со проценета пазарна вредност од 60 милиони долари беше запленет во балтичкиот пристанишен град Гдиња во близина на Гдањск, објави вчера новинската агенција ПАП.

„Ова е најголемата операција од ваков вид за повеќе од 10 години“, изјави министерот за внатрешни работи Марчин Киервински.

Полските истражители добија дојава од британските колеги во март дека се очекува пратка дрога од Обединетите Арапски Емирати, според извештајот. Дрогата беше откриена маскирана како декоративни тули во контејнери за превоз. Покрената е кривична постапка против двајца мажи и една жена од Полска во врска со шверцот.