Русија освоила 477 квадратни километри украинска територија во август, што е најголемото руско напредување во еден месец од октомври 2022, велат податоците на Институтот за проучување војна, кои биле анализирани од новинската агенција АФП. Во исто време, Украина брзо напредуваше во рускиот регион Курск, каде што за две недели зазеде 1.100 квадратни километри, но овој фронт сега бил стабилизиран.

Во август, руските трупи напредувале 15 квадратни километри на ден, главно во источниот регион Доњецк, односно во правецот на градот Покровск, кој важи за важен логистички центар. Руската војска во неделата била на седум километри од градот.

Последен пат кога руските сили зазеле толку многу територија во еден месец беше во октомври 2022 во регионот Харкив, во време кога фронтот беше доста променлив.

Од почетокот на оваа година, Русија освоила 1.730 квадратни километри во Украина, трипати повеќе во споредба со 2023.