Русија го изгубила осмиот генерал од почетокот на инвазијата на Украина на 24 февруари. Генерал-мајорот Владимир Фролов, чии трупи учествувале во опсадата на Мариупол, бил погребан вчера во Санкт Петербург откако загинал во борба, изјави гувернерот Александер Беглов.

Фролов бил заменик-командир на 8. гардиска комбинирана армија, која со недели војува во Мариупол.

„Фролов загинал херојски во борба против украинските националисти. Тој беше вистински патриот“, изјави Беглов, додека руски сајтови објавија фотографија од неговиот гроб во Санкт Петербург.

Не е познато каде и кога загинал Фролов. Тој е само вториот руски генерал чија смрт беше потврдена во руските медиуми.