Пред почетокот на руската инвазија, Маринка била дом на 9.000 луѓе, а денес е град на духови и буквално срамнета со земја. Снимки направени со дрон прикажуваат нереален, апокалиптичен пејзаж, а сивите урнатини создаваат илузија на дистописка пустош, каде што целиот живот е збришан.

Пред војната, во Маринка живееле 9.000 луѓе (Фото: Твитер)

Маринка, која се наоѓа во регионот Доњецк, беше бојно поле многу пред почетокот на војната минатата година, имајќи предвид дека за неа се водеа борби и во 2014 и 2015. Денес нема недопрена зграда или дрво во градот, во кој одамна нема цивили, зашто беше целосно евакуиран.

„Градот е целосно уништен. Освен војници, во градот нема други луѓе, зашто нема услови за живот“, изјави Артем Шус, некогашниот шеф на полицијата на Маринка.

Линијата на фронтот поминува низ градот (Фото: АП)

Тој верува дека руските сили продолжуваат да го гранатираат градот за да ги уништат сите преостанати засолништа за украинската војска, додека бојното поле поминува низ самата Маринка.

(Фото: Твитер)