Доналд Трамп изјави дека сака САД да имаат улога во изборот на новиот врховен водач на Иран и ги охрабри курдските опозициски групи да тргнат во офанзива. Тој кажа дека процесот на избор на новиот лидер на Иран е во многу рана фаза, но дека синот на убиениот ајатолах Али Хамнеи, Моџтаба, е малку веројатен избор.

„Сакаме да бидеме вклучени во процесот на избор на лицето кое ќе го води Иран во иднина. Не мора да се враќаме на секои пет години и да го правиме ова одново и одново“, рече Трамп и додаде:

„Тие си го губат времето. Синот на Хамнеи е од лесна категорија. Морам да бидам вклучен во назначувањето како со Делси Родригес во Венецуела. Синот на Хамнеи е неприфатлив за мене. Сакаме некој што ќе донесе хармонија и мир во Иран“.

Трамп, исто така, ги повика силите на иранските Курди да тргнат во офанзива.

„Мислам дека е прекрасно што сакаат да го сторат тоа, јас сум целосно за тоа“.

Запрашан дали САД ќе обезбедат или понудиле воздушна заштита, тој одговори:

„Не можам да ви го кажам тоа. Целта на Курдите е победа. Ако го сторат тоа, ќе биде добро“.

Милиции на иранските Курди се консултирале со САД во последните денови за тоа дали и како да ги нападнат безбедносните сили на Иран во западниот дел од земјата, според три извори запознати со ова прашање.