Владата на Доналд Трамп ги притиска Србија и другите балкански држави да примат мигранти депортирани од САД, објави „Блумберг“. Барањето до земјите од овој регион било дел од пошироката американска стратегија да се најдат странски влади спремни да прифатат депортирани мигранти.

„Блумберг“ не наведува кои други балкански држави се во прашање.

Белата куќа, Стејт департментот и министерството за надворешни работи на Србија досега не ги коментираа овие наводи.

Минатиот месец, Врховниот суд на САД ѝ дозволи на владата на Трамп да го отповика привремениот правен статус на илјадници мигранти од Венецуела, Куба, Хаити и Никарагва кои живеат во САД. Владата сега бара можни дестинации каде би можеле да бидат депортирани мигрантите, објави „Блумберг“.