Доналд Трамп им понудил отказни пакети на речиси сите федерални работници, што има за цел да ја намали и реформира американската администрација.

Во е-пошта испратена вчера, владата им порачала на работниците дека треба да решат до 6 февруари дали сакаат да бидат дел од „програмата за одложен отказ“. Ако се согласат да дадат отказ во септември, тие ќе добијат отпремнински пакет во висина од осум месечни плати. Владата ја опиша својата понуда како многу дарежлива.

Владата на Трамп очекува околу 10% од повеќе од два милиона федерални работници да ја прифатат понудата. Висок функционер кажа дека отпремнините би ѝ заштедиле на владата околу 100 милијарди долари.

Понудата на Трамп се однесува на речиси сите федерални работници, со исклучок на вработените во поштата, војската, имиграциските служби и во некои тимови за национална безбедност.

По враќањето во Белата куќа, Трамп ја укина и практиката на работа од дома и им нареди на сите да се вратат на своите работни места.