Доналд Трамп ќе потпише извршна наредба со која ќе го прогласи англискиот јазик за службен јазик во САД за првпат во историјата на земјата, изјави висок функционер од Белата куќа. Тој не кажа кога наредбата ќе биде потпишана.

САД никогаш немале официјален јазик на сојузно ниво, но повеќе од 30 сојузни држави му имаат дадено таков статус на англискиот јазик.

За време на неговата прва претседателска кампања, Трамп го прекоруваше републиканскиот ривал Џеб Буш затоа што зборуваше на друг јазик во кампањата. Тој на прес-конференција во Њујорк во 2015 година изјави дека „ние сме нација што зборува англиски“.

Извршната наредба на Трамп ќе го укине федералното барање на демократскиот претседател Бил Клинтон дека агенциите и другите приматели на федерални средства треба да обезбедат јазична помош за оние кои не зборуваат англиски, пишува „Вол стрит џурнал“.