Доналд Трамп се нарече себеси „вршител на должноста претседател на Венецуела“, објавувајќи лажна страница од „Википедија“ на својата социјална мрежа Трут соушл. Таму е наведено дека ја презел функцијата во јануари 2026, а Џеј-Ди Венс е потпретседател.

Тоа е последното во серијата тврдења дека Трамп и САД управуваат со Венецуела по американската воена акција во која беше заробен претседателот Николас Мадуро. Минатата недела, Трамп кажа дека САД би можеле со години да ја водат Венецуела и да ги користат нејзините нафтени резерви.

„Само времето ќе покаже колку ќе трае тоа“, рече Трамп.

Фото: Трут соушл

По соборувањето на Мадуро, неговата функција ја презеде потпретседателката Делси Родригес, која повика на соработка со САД.

„Кој управува со Венецуела? Моќта на народот и неговата уставна влада, во тоа нема сомнеж. Венецуелскиот народ владее тука, а јас имам одговорност да ја водам земјата додека Николас Мадуро е во заробеништво“, изјави Родригес викендов.