Доналд Трамп победи во клучната сојузна држава Пенсилванија, велат проекциите, што го донесе на чекор до враќање во Белата куќа. Пенсилванија носи 19 електорски гласови, со што Трамп досега ги има собрано 266, само четири помалку од она што е потребно за победа на изборите. „Фокс њуз“ веќе го прогласи за претседател. 

Неговата ривалка Камала Харис досега има освоено 194 електорски гласови. Без да победи во Пенсилванија, Харис ќе имаше многу мали шанси да стане претседателка.

Трамп претходно триумфираше во уште две колебливи сојузни држави, Северна Каролина и Џорџија, а има солидна предност и во Висконсин, Невада и Мичиген, каде што уште трае броењето гласови.