Три лица се убиени во напад со нож во Вирцбург во германската покраина Баварија. Полицијата кажа дека има и петмина повредени.

Напаѓачот е фатен и приведен откако бил ранет со полициски куршум, но животот не му е загрозен. Тој е идентификуван како 24-годишник од Сомалија кој живеел во Вирцбург.

Делови од градот се блокирани по нападот. Засега нема информации за мотивот.

„Немаме никакви назнаки дека има и други напаѓачи. Ситуацијата е под контрола“, изјави портпаролот на полицијата, додавајќи дека веќе нема опасност по населението.