Украинските специјални сили кои се борат во рускиот регион Курск кажаа за Би-Би-Си дека немаат видено ниеден севернокорејски војник во изминатите три недели. Портпарол на војската кажа дека тие веројатно се повлекле од фронтот поради тешки загуби.

Западни функционери изјавија минатата недела дека од 11.000 севернокорејски војници испратени во Русија, околу илјада загинале за три месеци.

И „Њујорк тајмс“ претходно објави дека севернокорејските трупи биле повлечени од борбите. Весникот цитираше американски функционер, кој кажа дека повлекувањето можеби не е постојано и дека војниците би можеле да се вратат откако ќе поминат низ дополнителна обука.

Јужнокорејските разузнавачи кажаа дека големите загуби на Севернокорејците се должат на тоа што не се опремени за модерното војување и се особено ранливи на украинските напади со дронови.