Шефот на војската Олександр Сирски објави дека украинските сили целосно го контролираат градот Суџа во рускиот регион Курск. Во видео објавено на Телеграм, Сирски му вели на Володимир Зеленски дека украинските трупи ги завршиле потрагата и уништувањето на руските сили во Суџа.

Една украинска телевизија претходно се јави од Суџа, покажувајќи како украински војници симнуваат руско знаме од локално училиште и го фрлаат на земја.

Суџа е последниот оперативен центар за транспорт на рускиот гас во Европска Унија преку Украина и тој и денеска нормално течел.

Украинската вицепремиерка Ирина Верешчук изјави дека Украина планира да создаде безбедносна зона во Курск во обид да ги заштити своите погранични области. Киев претходно кажа дека Русија минатиот месец извела над 2.000 напади од Курск.

„Украина ќе организира достава на хуманитарна помош за руските цивили во безбедносната зона и ќе отвори коридори за евакуација кон Русија и Украина“, рече Верешчук.

Изненадувачката офанзива во Курск започна минатиот вторник и влезе во втората недела и Зеленски кажа дека украинските сили денеска напредувале за еден-два километри во повеќе насоки.

„Продолжуваме да напредуваме подлабоко во Курск. Денеска заробивме повеќе од 100 руски војници“, кажа Зеленски.