Американската влада се обидува да ги врати на работа службениците за нуклеарна безбедност кои ги отпушти пред три дена, но не знае како да стапи во контакт со нив, објави „Ен-Би-Си њуз“.

Вработените во Националната управа за нуклеарна безбедност (ННСА) биле меѓу стотиците службеници од енергетскиот сектор кои добиле отказно писмо оваа недела. Отказот за некои вработени во ННСА во меѓувреме бил поништен, но владата сега не знае како да ги извести за тоа.

Отказите се дел од масовните напори на Доналд Трамп да го намали бројот на федералните работници, со што започна веднаш по враќањето во Белата куќа, во што му помага агенцијата на Илон Маск. Оваа недела биле отпуштени речиси 10.000 федерални работници, а уште 75.000 работници ја прифатиле понудата за отпремина од Белата куќа и доброволно ќе си заминат наесен.

Службениците за нуклеарна безбедност кои биле отуштени во четвртокот помагаа во надзорот на американските залихи на нуклеарното оружје. Дел од нив биле стационирани во постројките за изградба на нуклеарното оружје.