Хрватскиот премиер Андреј Пленковиќ објави дека е позитивен на коронавирус, додека земјата го бележи најсмртоносниот ден од почетокот на епидемијата.

Во последните 24 часа во Хрватска се регистрирани 1.830 нови случаи на зараза, како и 74 починати од ковид-19, што е убедливо најмногу во еден ден досега.

„На препорака на епидемиолозите, премиерот Пленковиќ денеска повторно се тестираше и резултатот беше позитивен“, изјави портпаролот на владата.

Тој веќе се наоѓаше во самоизолација откако во саботата неговата сопруга имаше позитивен тест и од владата додадоа дека се чувствува добро и дека своите обврски ќе ги извршува од дома.