24-годишник од Монтреал е осомничен дека со меч убил двајца и тешко повредил уште петмина во Квебек Сити, Канада, ноќта помеѓу саботата и неделата, соопшти локалната полиција. Тој носел средовековни алишта и напаѓал случајни минувачи на Ноќта на вештерките.

„Сè води кон тоа да веруваме дека неговите мотиви се од лична природа. Досега не откривме никаква поврзаност со терористичка организација“, кажа Роберт Пиџн, шеф на полицијата во Квебек Сити.

Осомничениот е уапсен во 1 часот по полноќ по локално време и утре ќе биде сослушан во суд преку видеоконференциска врска.