Многу луѓе во и околу Неапол ја поминаа ноќта на улиците или во своите автомобили откако земјотрес ги затресе зградите и предизвика штети. Италијанските сеизмолози кажаа дека земјотресот се случил во морето на длабочина од три километри и имал јачина од 4,4 степени според Рихтеровата скала, но во некои области се чувствувал посилно.

Според Геолошкиот топографски институт на САД, земјотресот бил со јачина од 4,2 степени.

Во делови од Неапол снема струја, а во соседниот град Поцуоли, близу епицентарот на земјотресот, едно повредено лице беше извлечено од урнатините. По главниот земјотрес уследија уште два помали.

Земјотресот се случил во 1:25 часови, во периодот кога многумина спијат, па голем број луѓе во паника истрчале надвор.

Неапол се наоѓа во вулкански басен поради што е подложен на земјотреси.