12 лица се повикани на информативен разговор во полиција во врска со вчерашниот напад на новинарската екипа на „А1он“ на крајот од протестот на граѓанската иницијатива за „За заедничка Македонија“, соопшти помошник-министерот за односи со јавност на МВР Јордан Ламановски.
Ламановски вели дека полицијата сè уште трага по двајцата напаѓачи на новинарите, чиј идентитет засега е непознат. Меѓу лицата со кои се вршат разговори, дел се сомничат дека учествувале во инцидентот, а дел се повикани како сведоци.
Министерот Нухиу, на прес-конференцијата, упати апел од граѓаните мирно да протестираат и порача дека МВР има капацитет да ги истражи сите напади и да го штити јавниот ред и мир.
