На само неколку метри од прочуените Билјанини извори во Охрид деновиве можат да се видат само оштетени клупи. Нема ниедна цела, бидејќи на сите има откорнати делови.

Од „Охридски комуналец” велат дека не можат да стигнат секаде за да ги санираат последиците од вандализмот по парковите. За просторот кај Билјанини извори мошне брзо е предвидена санација на оштетените клупи.

Охридските комуналци се жалат и на секојдневните кражби на цвеќиња од градскиот парк и од другите зелени површини.

Д. ЧУБРИЌ