Специјалниот папски кардинал, сараевскиот надбискуп Винко Пулиќ, одржа понтификална света миса по повод прогласувањето на Мајка Тереза за светица минатиот викенд во Ватикан. Денешната миса на скопскиот плоштад беше централен настан на прославата  „Денови на Света Мајка Тереза“, која траеше седум дена.

Фото: Ѓ. Личовски

Родена во Скопје како Агнеза Гонџа Бојаџиу, Мајка Тереза на 4 септември на плоштадот „Св. Петар“ во Ватикан беше прогласена за светица од папата Фрањо. Мајка Тереза почина во 1997 година во Колката, Индија, а во 1979 година ја доби Нобеловата награда за мир.