ЏАФЕРИ ПОКАЖА НА МИЦЕВСКИ ДЕКА ИМА КОПЧЕ ЗА ИСКЛУЧУВАЊЕ АКО НЕКОЈ ПРАТЕНИК ГО ПРЕЧЕКОРИ ВРЕМЕТО ЗА ДИСКУСИЈА, ТОЈ СЕ НАВРЕДИ

Само што излезе на говорница за процедурална забелешка, координаторот на пратеничката група на ВМРО-ДПМНЕ Никола Мицевски неколку секунди остана без глас во пленарната сала.

„Вклучен сум? Сега, вклучен сум?”, го прашуваше тој претседателот на Собранието Талат Џафери.

„Сега ќе ве вклучам. Ве исклучив за да ви покажам на сите дека сега имам можност да ве исклучувам ако ја пречекорите минутажата за дискусија”, се насмеа Џафери, ама ги предупреди со тоа сите пратеници.

Џафери додаде: „Не ве замолчувам, само сакав да ви кажам дека отсега натаму ја имам оваа опција”.

• СО 60 ГЛАСА „ЗА” ВО СОБРАНИЕТО ИЗГЛАСАНА ПОТРЕБАТА ОД ЗАКОН ЗА ЗАШТИТА ОД ЗАРАЗНИ БОЛЕСТИ, ДОПРВА ЌЕ СЕ РАСПРАВА ЗА НЕГО

Но, оваа шега го навреди Мицевски.

„Јас мислам дека не ви е најсоодветен примерот на координатор на опозиционата пратеничка група во Собранието да му го исклучувате микрофонот!”, го искара тој Џафери.

Потоа зборуваше околу предлогот на колешката Ане Лашкоска ребалансот да,се стави на оваа, а не на седницата на 29.10, за да се стаса со четвртиот пакет мерки за стопанството.

„Вам ви зборам. Слушајте ме. Додека сум уклучен барем”, му се обрати повторно Мицевски на Џафери.

С. К. ДЕЛЕВСКА