Вицепремиерот Артан Груби кажа дека принципот на самоопределување за етничката припадност, јазик и идентитет не може да се утврди со договори и трактати, на одбележувањето на 22 Ноември – Денот на албанската азбука.

Во говорот, Груби рече и дека судбините на нашите народи во нашата земја се меѓусебно поврзани, а заедничко ни е патешествието кон слободата, правдата, еднаквоста, но и интеграција.

„Принципот на самоопределување за етничката припадност, јазик и идентитет не може да се утврди со договори и трактати, туку само врз принципите на божествениот закон“, кажа Груби, додавајќи дека методите и вредностите на 19. век не можат да се вратат во 21. век.

На крајот говорот, Груби во име на Владата на Република Северна Македонија, им го честиташе на сите Албанци 22 ноември, денот на Конгресот во Битола и азбуката на албанскиот јазик.